චීනය විසින් තවත් පහළ කක්ෂීය අන්තර්ජාල චන්ද්රිකා සමූහයක් සාර්ථකව අභ්යවකාශගත කර තිබෙනවා.
මෙම 23 වන අන්තර්ජාල චන්ද්රිකා කාණ්ඩය ඊයේ (04) එරට වේලාවෙන් පස්වරු 4:52 ට ගුවන්ගත කර තිබෙනවා.
ඒ සඳහා Hainan හි වාණිජ අභ්යවකාශ මධ්යස්ථානයේ සිට Long March-8A ප්රවාහක රොකට්ටුව යොදාගෙන ඇති බවයි වාර්තා වන්නේ.
නියමිත පරිදි මෙම චන්ද්රිකා කක්ෂගත වීමත් සමග අදාළ මෙහෙයුම සම්පූර්ණයෙන්ම සාර්ථක වී තිබෙනවා.
මෙම මෙහෙයුමේ විශේෂතා කිහිපයක් ද සඳහන්:
* නවීකරණය කළ රොකට්ටුවක්: මෙම මෙහෙයුම ක්රියාත්මක කර ඇත්තේ Long March-8A රොකට්ටුව නවීකරණය කිරීමෙන් පසු සිදුකළ පූර්ණ පද්ධති පරීක්ෂාව (full-system validation flight)ක් ලෙසිනුයි.
* වැඩිදියුණු කළ ධාරිතාව: සිදුකළ මෙම සංශෝධන නිසා රොකට්ටුවේ බර රැගෙන යාමේ හැකියාව (payload capacity) ඉහළ ගොස් තිබෙනවා.
* අන්තර්ජාල ව්යාපෘතියට සහය: අනාගතයේදී විශාල චන්ද්රිකා එකතුවක් (internet constellation) අඛණ්ඩව අභ්යවකාශයට යැවීමට මෙම වැඩිදියුණු කිරීම මහත් පිටුවහලක් වනු ඇති බවයි පවසන්නේ.
මේ අතර, චීනය විසින් සිය ‘බෙයිඩූ’ (BeiDou) චන්ද්රිකා සංචාලන පද්ධතිය ද මෑතකදී තවදුරටත් නවීකරණය කළ බව ‘Qazinform’ වාර්තා කර තිබෙනවා.
